एमाओवादीका २ केन्द्रीय सदस्य तथा सभासद्हरुले पार्टीका पोलिटब्युरो सदस्य तथा सभासद् प्रभु साहभाथि अध्यक्ष पुष्पकमल दाहाल प्रचण्डको हत्या गर्ने योजना बुनेको गम्भीर आरोप लगाएका छन् । अन्नपूर्ण पोस्ट दैनिकमा समाचार छ ।
एमाओवादीका केन्द्रीय सदस्य र सभासद्हरु अशोक जयसवाल र सत्यनारायण भगतले दाहाल हत्याको योजना बनाउने साहलाई बाबुराम भट्टराईले संरक्षण गरेको जिकिर गरेका छन् ।
साहले हत्या योजना बनाएको थाहा पाएपछि दाहालले आफू असुरक्षित रहेको भनाइ सार्वजनिक गरेको उनीहरुले बताए । साह भट्टराई पक्षधर हुने भने जयसवाल र भगत अध्यक्ष दाहाल निकट हुन् । यसैवीच साहले दहाललाई मार्ने कुरा कल्पनाभन्दा बाहिर रहेको प्रतिक्रिया दिएका छन् ।
