मोदी सरकारले राखेको ‘छिमेक प्राथमिकता’ नीतिअनुसार विदेश सचिव एस जयशंकरले आइतबारबाट दक्षिण एसियाली मुलुकको भ्रमण (सार्क यात्रा) सुरु गरेका छन् । भ्रमणको सुरुवातमा विदेश सचिव आइतबार अपरान्ह भुटानको राजधानी थिम्पू पुगेका छन् । कान्तिपुर दैनिकमा समाचार छ ।
स्रोतका अनुसार थिम्पूलगत्तै सोमबार ढाका पुग्ने जयशंकर, मंगलबार इश्लामाबाद र बुधबार काबुल पुग्नेछन् । त्यसपछि मार्चको तेस्रो साताभित्र नेपाल, श्रीलंका र माल्दिभ्सको यात्रामा निस्कने स्रोतले जनाएको छ । मोदी सरकारले एक महिनाअघि विदेश सचिव सुजाता सिंहलाई हटाएपछि जयशंकरले सचिव जिम्मेवारी पाएका हुन् ।
