समाजसेवा गर्न धन होइन मन चाहिन्छ।
सामान्य आर्थिक अवस्थाका एक रिक्सा चालकले शीतलहरमा कठ्याङ्ग्रिएका गरिब दलितका लागि न्यानो कपडा बाँढेर यही चरितार्थ गरेका छन्,आजको नागरिकमा खबर छापिएको छ।
तराईमा मुटु काम्ने चिसो बढेका बेला चन्द्रपुर नगरपालिका-१ कप्तानटोलका ३९ वर्षीय रिक्सा चालक केदारप्रसाद तिमल्सिनाले बाढेको न्यानो कपडाले यहाँका धेरै गरिबलाई राहत मिलेको छ।
दश वर्षभन्दा बढी समयदेखिक रिक्सा चलाउँदै आएका तिमल्सिनाले सामाजिक सञ्जाल फेसबुकका माध्यमबाट यो अभियान सुरू गरेका हन्। 'विगतका शीतलहरमा चिसोकै कारण कठ्याङ्ग्रिएर मान्छे मरेको देखेको थिएँ, यसपालि त्यो स्थिति नआओस भनेर पहिलै कपडा बाढ्न थालेको हुँ,' चतनगरको दलित बस्तीमा आइतबार कापडा बाढ्दै गरेका रिक्साचालकले भने। गत वर्ष पनि यसै गरी शीतलहरपीडितसम्म न्याना कपडा पुर्याउन उनले १५ दिन यता चन्द्रनिगाहापुर,राजपेडाका मुसहर बस्ती,चेतनगरको दलित बस्ती र चडियादहका गरिब बस्तीमा झन्डै चार हजार थान कपडा बाढी सकेका छन्। तिमल्सिना आफै पनि कमजोर आर्थिक अवस्थाका हुन्।
