उत्तरी धादिङको विकट क्षेत्र री गाविस ४ मा क्रिसमस मनाउने कार्यक्रममा सहभागी हुन धादिङ निर्वाचन क्षेत्र नम्बर १ का तीनवटै सांसद हेलिकप्टर चार्टर गरेर पुगेका छन्। चोके गाउँस्थित हिमालय प्राथमिक विद्यालय प्राङ्गढमा शुक्रबार इसाई धर्मावलम्बीहरूले क्रिसमस डे कार्यक्रम आयोजना गरेका थिए। सोही कार्यक्रममा प्रमुख अतिथि बन्न धादिङ १ बाट प्रतिनिधित्व गर्ने तीनै सभासद हेलिकप्टर चार्टर गरेर कार्यक्रम स्थल पुगेको आजको अन्नपूर्णमा खबर छापिएको छ।
राज्यमा धर्म परिवर्तन र धार्मिक स्वतन्त्रतासम्बन्धी चर्को बहस चलिरहेको बेला क्रिसमस मनाउन री को चर्चले आमन्त्रण गरेपछि सभासदहरू एमालेका धनबहादुर घले, कांग्रेसका दिलमान पाख्रिन र राप्रपाका परशुराम तामाङ हेलिकप्टरबाट कार्यक्रमस्थल पुगेका हन्।
