अख्तियार दुरुपयोग अनुसन्धान आयोगले भ्रष्टाचार गरी अकुत सम्पत्ति आर्जन गरेको आशंकामा राष्ट्र बैंकका सात उच्च अधिकारीमाथि अनुसन्धान थालेको छ। पहिलो चरणको छानबिनका क्रममा हैसियत भन्दा बढी सम्पत्ति देखिएको भन्दै अख्तियारले राष्ट्रबैंकका डेपुटी गभर्नर, विभागिय प्रमुख र निर्देशकहरूमाथि छानबिन सुरु गरेको आजको राजधानीमा खबर छ।
प्रारम्भिक अनुसनधानपछि अकुत सम्पत्ति आर्जनमा थप छानबिन गर्ने निश्कर्षमा अख्तियार पुगेको हो। स्रोतका अनुसार अख्तियारले शंकाको घेरामा परेका सात जना वरिष्ठ अधिकारीलाई बयानको लागि आयोगमा बोलाइएको छ। अख्यितार स्रोतका अनुसार अकुत सम्पत्ति कमाएको आशंकामा डेपुटी गभर्नर महाप्रसाद अधिकारीमाथि थप अनुसन्धान थालिएको छ।
अख्तियारले उनलाई पत्र लेखेर बयानका लागि उपश्थित हुन निर्देशन दिएको हो। डेपुटी गभर्नर अधिकारी आयोगमा बयानको लागि नइनसके पनि विभागिय प्रमुख र अन्य अधिकारी भने बयान दिन अख्तियार पुगिसकेको स्रोतले बतायो।
