बालाजुका बालकृष्ण केसीले ६ महिनामा क्यासिनोमा पौने तीन करोड हारे । पुख्र्यौली सम्पत्ति सिध्याएपछि उनले तीन बर्षअघि क्यासिनोलाई मसानघाटको नाम दिएर जान छाडे । तर, क्यासिनोमा जुवा खेल्दा लिएको ऋणले उनलाई अझै तनाव छ ।
‘अझै पनि लगानीकर्ताले दुःख दिइरहेका छन्,’ केसी भन्छन् ‘क्यासिनो त मसानघाट हो, क्यासिनोले मेरो जिन्दगी सिध्यायो ।’ क्यासिनोमा उनले एकै दिनमा २० लाख रुपैयाँसम्म हारे । क्यासिनोमा हारेको मात्र नभएर लगानीकर्ताको व्याज तिर्दा आफ्नो धेरै सम्पत्ति सिद्धिएको उनल सुनाए । अहिलेपनि लगानीकर्ताले सताउन नछाडेपछि उनी प्रहरीको शरणमा पुगेको आजको नयाँ पत्रिकामा खबर छ ।
बालकृष्ण मात्र होइन, सयौं नेपाली क्यासिनोको लतमा घरबारबिहीन भएका छन् । पैसा हारेर मात्र नभइ क्यासिनोमा जुवा खेल्न लिएको ऋणको कारण रातारात कंगाल बन्ने गरेका छन् । किनकी क्यासिनोको लागनिकर्ताले एक लाखको दैनिक ८ हजारको दरले व्व्यायाज लिने गरेका छन् ।
क्यासिनोमा जित्ने सम्भावना १० प्रतिशत मात्र हुने भएकोले त्यसको चर्को ब्याजमा जुवा खेल्नेले ऋण फर्काउन सम्पत्ति बेच्ने गरेका छन् ।
