अदालतको अपहेलनाबारे कान्तिपुर पब्लिकेसन्सविरुद्ध परेको पछिल्लो मुद्दा सर्वोच्च अदालतले खारेज गरेको छ । आजको कान्तिपुर दैनिक लेख्छ कान्तिपुरमा प्रकाशित सर्वोच्चका पूर्व न्यायाधीश प्रकाशचन्द्र वस्तीको अन्तरवर्तालाई लिएर असोज ३१ गते दायर मुद्दा बुधबार न्यायाधीश गिरिशचन्द्र लालको एकल इजलाशले पहिलो सुनुवाइमै खारेज गरेको हो ।
निवेदनमा उठाइएको विषयवस्तु प्रथम दृष्टिमै झुठा ठहर भएमा अदालतले सुनुवाइको पहिलो दिनै मुद्दा खारेज गर्न सक्ने प्रावधान छ । कान्तिपुरविरुद्ध दायर उक्त मुद्दामा पब्लिकेन्सका अध्यक्ष कैलास सिरोहिया, प्रधान सम्पादक सुधीर शर्मा, समाचार सम्पादक हरिबहादुर थापा र पूर्व न्ययाधीश वस्तीलाई विपक्षी बनाइएको थियो । कान्तिपुरविरुद्ध त्यसअघि दायर अपहेलनाकै दुई मुद्दा भने आउँदो मंसिर १५ गते सुनुवाइका लागि तोकिएको छ ।
