रक्सौल-अमलेखगन्ज पाइपलाइन भारतले अनुदानमा बनाइदिने सम्भावना बढेको छ । आजको कान्तिपुर दैनिक लेख्छ, अनुदानमा निमार्णबारे नेपाल आयल निगम भित्र औपचारिक छलफल भइरहेको । नेपाल आयल निगम स्रोतका अनुसार हाल सम्मको छलफलमा आइओसी सकरात्मक देखिएको छ । पाइपलाइनमा अनुदानबारे व्यापक छलफल भइराखेको छ ।
भारतीय आयल निगम आइओसीसँग पनि छलफल गरिराखेका छौ । उनीहरु सकात्मक छन, ती स्रोतले भन्यो, अनुदानमा निमार्ण गरिदिने सम्भावना बलियो छ । यसको टुंगो भने मंगलबार भारत भ्रमणमा गएको निगम कार्यकारी निर्देशक चण्डिका प्रसाद भट्टको टोलीसँगको छलफल पछि लाग्नेछ ।
निगमका प्रबक्ता मुकुन्द घिमिरेले पनि पाइपलाइन अनुदानमा बनाइदिने खबर सुनेको बताए । उनले कार्यकारी निर्देशक चण्डिकाप्रसाद भट्टको नेतृत्वमा इन्जिनियरका टोली मगलबार आइओसीका अध्यक्षलाई भेट्न गएको जानकारी दिए ।
पाइपलाइनबारे बिस्तृत छलफल गर्न निगमका कार्यकारी निर्देशकसहित ६ जना भारत गएका छन, उनले भने, टोलीले आइओसीका अध्यक्ष, प्रबन्ध निर्देशकलगायत अन्य उच्च कर्मचारीसँग कस्तो मोडालिटीमा जाने, लागत खर्च लगायत सबै बिषयमा छलफल गर्नेछ ।
निगमका अनुसार नेपाली टोली भदौ १५ गते नेपाल फर्किने छन । टोलीले कस्तो प्रकारको मोडालिटी ल्याउँछ । मन्त्रालयमा छलफल गछौ,उनले भने, त्यसपछि अन्तिम टोली फेरि भारत गएर पाइपलाइनबारे अन्तिम रुप दिनेछ । भारतीय प्रधानमन्त्री नरेन्द्र मोदीले पाइपलाइन निमार्णमा सहयोग गर्ने घोषणा गरे लगत्तै भारतीय पक्षले बढी चासो देखाएका छन । पाइपलाइनबारे अध्ययन गर्न भारतीय भित्रिने क्रम बढेको हो ।
