राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गरिहेका बेला एउटा ठूलो जहाजमा लाख रुपैयाँ पर्ने एउटा सामान नफेर करोडौं आम्दानी जानाजान गुमाइरहेको छ ।
निगम व्यवस्थापनले बोइङ ७५७ ९ एन एसिए जहाजको दायाँ पखेटापट्टीको आकस्मिक ढोका स्केप स्लाइडमा रहेको ग्यासको बोत्तल नफेरेर करोडौं आम्दानी गुमाइरहेको छ । अहिले जहाजमै रहेको बोतलको म्याद २१ असार १७ अघि नै सकिएको थियो ।
सम्बद्ध अधिकारीहरुका अनुसार नाइट्रोजन ग्यास भरिएको हुने यस्तो बोतल जहाजलाई पानीमाथि वा जमिनमा आकस्मिक अवतरण गराउँद्या निस्कने स्केप स्लाइट फुलाउन प्रयोग गरिन्छ ।
स्केप स्लाइड खुल्नासाथ यस्तो बोत्तलको नाइट्रोजन ग्यास स्लाइडभित्र जान्छ र स्लाइडमा चिप्लेटी खेल्दै बाहिर निस्कन्छन् ।