जुनसुकै तन्त्रमा भ्रष्टाचारीकै बोलबाला!

  • Get News Alerts

united
डा. गोविन्द केसीको जीवनरक्षा निम्ति नागरिक आवाज
tata

आम समुदायको हित हुने विषयलाई लिएर कुनै एक जना मानिसले अनसन बस्दै आएको कुरा हामीले सुन्न थालेको लामै समय भइसकेको छ। वर्षौदेखि यसरी विभिन्न माग राख्दै अनसन बस्ने डा. गोविन्द केसीप्रति दिन प्रतिदिन जनसमर्थन बढ्दै गएको छ।

उहाँ फेरि अनसनमा बस्नुभएको बेलादेखि नै हामी चिन्तित भएका थियौं। यसपाला त अब झनै अघिल्ला सबैपटकभन्दा लामो अनसन भइसकेको अवस्था छ। हरेकपटक अनसनसँगै नेता र फरक फरक सरकारहरूले उहाँलाई आश्वासन पनि दिँदै आइरहेका छन्। त्यस्ता बचनबद्धता पूरा नगरेकै कारण उहाँ पटक पटक अनसन बस्नु परिरहेको सुनिन्छ। यो उहाँको निम्ति एक किसिमको बाध्यात्मक परिस्थिति भनेर मैले बुझेको छु।

यसपटकको अनसनको दिन निकै लम्बिसकेको अवस्थामा उहाँको स्वास्थ्य स्थितिलाई विचार गर्नै पर्छ। यसपटक अनसन तोडाउने बेला सरकारले दिएको प्रतिबद्धता पालना गराउने ग्यारेन्टी पनि आउनु जरुरी छ।

एउटा संवेदनशील चिकित्सक र आदर्श बोकेका सत्याग्रही हुन् डा. गोविन्द केसी। त्यस्ता मानिसले पटक पटक स्वास्थ्य र शैक्षिक क्षेत्रमा भइरहेका अनावश्यक गतिविधिविरुद्ध माग प्रस्तुत गरेका हुन्। त्यस्ता मानिसलाई अनसन बस्न बाध्य पार्नु नै विडम्वना हो।

मुलुक गणतन्त्रमा प्रवेश गरिसकेको अवस्थामा पनि के कुराले गर्दा एउटा सत्यको पक्षमा उभिएको चिकित्सकका माग पूरा हुन सकिरहेको छैन भन्ने प्रश्न उठिरहेको छ। हामी धेरै आन्दोलन पार गरेर अहिलेको अवस्थामा आइपुगेका हौं। यत्रो प्रयासबाट नयाँ संविधान बनिसक्दा पनि अझै पुरानै कालखण्ड सम्झाउने गरी एउटा डाक्टरले भ्रष्टाचारको कुरा उठाएर अनसन बसिराख्नुपर्ने असाध्यै लाजमर्दो हो।

उनले उठाएको कुरा समाजको हितमा हो भने समाजको अहितमा उभिने शक्ति अहिलेको बेला कसरी बलियो बन्यो? केसीको अवस्थाले मुलुकभरिका नेपालीको ध्यान त तानिरहेकै छ, काममा खटिनुपर्ने एउटा कर्तव्यनिष्ठ चिकित्सकको महत्वपूर्ण सेवा पनि नेपालीहरूले गुमाउनु परिरहेको छ। डा. केसी मात्र होइन सम्पूर्ण चिकित्सा क्षेत्र नै आन्दोलित भइरहेको अवस्था म देख्दैछु।

केसीले जे जे माग्छन्, त्यो सबै पूरा गर्नुपर्छ भन्ने मेरो तर्क होइन। नियुक्तिकै विषयमा पनि के कस्तो कुरा हो मलाई राम्ररी थाहा छैन। म आफैं पनि सरकारी नियुक्तिमा रहेको मानिस हुँ। तर, कुनै पनि नियुक्ति षडयन्त्रपूर्ण र गलत नियतले गरिएको छ भने चाहिँ त्यसमा मेरो विरोध रहन्छ।

खासगरी केसीका हकमा सरकारले जे जे आश्वासन दिँदै आएको छ, त्यसमा त गम्भीरता देखाउनै पर्छ। सहमति भइसकेका उहाँका माग अविलम्ब पूरा गर्नुमै बुद्धिमानी छ। कम्तीमा अबको समयमा शैक्षिक वा चिकित्सा क्षेत्रमा भ्रष्टाचार हट्नुपर्छ भनेर कसैले माग राख्छ भने त्यसलाई तुरुन्तै सुनुवाइ गरिहाल्नुपर्छ।

मुलुकमा भ्रष्टाचारीहरूकै बोलबाला रहिरहने हो भने जुनसुकै तन्त्र आए पनि त्यसको केही माने रहँदैन। भ्रष्टाचारविरोधी केसीका माग चाहिँ सरकारले तत्काल सम्बोधन गरिहाल्नु पर्छ।

Hyundai
nic asia

प्रतिकृया दिनुहोस

बिज्ञापन

mahindra

विचार

Hyundai

किनमेल

vianet

ग्लोबल

कला

अंग्रेजी संस्करणबाट

ब्लग

  • नेपाली फोटोपत्रकारिताका बारेमा मेरो कुरा नेपाली फोटोपत्रकारिताका बारेमा मेरो कुरा

    नेपाली फोटोपत्रकारिता भनेजस्तै विकास र उन्नति नहुनुमा नेपाली फोटो पत्रकारहरुले जति सुन्दर तस्बिर कैद गर्छन् त्यस्तै अनुरुपमा फोटो क्याप्सन (फोटो विवरण) नलेखेर हो। उनीहरुलाई लाग्छ कि लेख्नु भनेको लेखक पत्रकारहरुको काम हो। त्यसैले त्यो लेखाइ गलत भैदिन्छ जब क्याप्सन लेखकले फोटोपत्रकारको नजरले हेर्न सक्दैन।

    दीपेन्द्र बज्राचार्य

  • काठमाडौंमा म कसलाई मतदान गरौं काठमाडौंमा म कसलाई मतदान गरौं

    काठमाडौं! आफैं भित्र के छ? अवस्य नै धेरै छ। काठमाडौं मेरो लागि धेरै हो। यसलार्इ राम्रो बनाउन प्रतिज्ञा गर्ने र परिवर्तनका सम्वाहक बन्न खोज्ने मानिसहरूका लागि पनि यही नै सत्य हो, कुनै पनि व्यक्तिका लागि उसको नाम नै सबैथोक हो। काठमाडौंका लागि त्यो अझ बढी हो। तपाईँ आफूलार्इ विवेकशिल वा एमाले, काँग्रेस, माओवादी, साझा, हाम्रो यो वा त्यो अन्य दर्जनौं नामले पुकार्नुहोस्, के तपाईँको काठमाडौं वास्तवमै मेरो भन्दा फरक छ? तिनीहरू भन्छन् कि युवाहरू तेज, लचिलो र दिन चाहने हुन्छन्। तर नेपालका नयाँ राजनीतिक पार्टीहरूलार्इ के भएको छ, मलार्इ थाहा छैन । कुनै पनि नयाँ राजनीतिक पार्टीसँग जित्नका लागि चाहिने कोष, युवाहरूको सहयोग, अनुभव जस्ता सबै कुराहरू पर्याप्त छैनन्। के हामी सबै मिलेर एउटा समूह बनाउन सक्तैनौं जहाँ हामीसँग पर्याप्त कोष, कार्यान्वयन गर्न सक्ने युवाशक्ति र बौद्धिक वार्ताकारले भरिपूर्ण रहुन् अनि त्यहाँ उत्कृष्ठताका लागि फरक हुन सक्छ।

    सुमना श्रेष्ठ

  • फेसबुकमा मात्र हैन, आमालाई मनमा पनि सजाउने कि? फेसबुकमा मात्र हैन, आमालाई मनमा पनि सजाउने कि?

    यसको अर्थ यो नमानौं कि आमाको फोटो फेसबुकमा राख्न पनि नपाउने? पक्कै पनि पाउने। तर आफूले आमालाई कतिको माया गर्छु, बिरामी पर्दा कतिको हेरचाह गर्छु, बृद्ध अवस्थामा कतिको माया र स्नेह गरेँ, आमालाई मिठो मसिनो खान दिएँ कि दिईन लगायतका कुराहरु ख्याल गरेका छौं? एकपटक स्मरण गरौं, हामीमध्ये कतिले फेसबुकमा धेरै खाले ‘क्याप्सन’ सहित तस्बिर राखेका आमाहरु कति बृद्धाश्रममा होलान्, कति खान नपाएर रत्नपार्कमा हात फैलाउन बाध्य होलान्, कति उपचार खर्च नभएर अस्पतालमा जीवन र मृत्युको दोँसाधमा लडिरहेका होलान्।

    गोबिन्द मरासिनी

साहित्यपाटी

  • आमा आमा

    रगतको थोपा थोपा सिन्चित गरेर  आफू भित्र लुकायौ  शारीरिक परिवर्तनसँगै  जाग्राम बसेका  मातृ उमंगहरु  दिन अनि महिना गन्दै...

    मिरा प्रसाई

  • माता तिर्थ औँसी माता तिर्थ औँसी

    लंके दिनभर र्याली र भाषणमा ब्यस्त रह्यो। साँझपख लखतरान परेर पार्टी कार्यलय पुग्यो। कार्यालयको वाइफाइ अटो-कनेक्ट हुनासाथ मोबाइलमा नोटिफिकेसन बज्न थाल्यो। उसले फेसबुक खोलेर हेर्यो। ओहो! आज त आमाको मुख हेर्ने दिन पो रहेछ। आफुसँग दिनभर सँगै हिंडेका मने, रिखे र यामेले फेसबुकमा आमाको फोटो राखेको देखेर ऊ चित खायो। उसले सोच्यो- 'कुन बेला फुर्सद पाएछन यिनेरुले? अनी कहाँको वाइफाइ पाएछन?'

    सन्तोष पौड्याल

  • र, एउटा एस्ट्रे र, एउटा एस्ट्रे

    निभाउँछु उही एस्ट्रेमा ठुटो चुरोट
    र, प्रश्न गर्छु आफैलाई
    मनभित्र एकान्तमा कतै किन चिच्याउँदैछ बच्चु कैलाश?
    ‘टाढा टाढा जानु छ साथी, एकफेर हाँसीदेऊ’

    भोलि त सबेरै छोडेर जानु छ।

    सौरभ कार्की

पाठक विचार

  • किशोर थापाजीलाई खुलापत्र

    राजनितिमा भर्खर प्रवेश गरेकी रन्जुलाई मेयर पदमा निर्वाचित गराएर उनीलाई मार्गदर्शन गर्ने भूमिकामा तपाई रहनु भयो भने निश्चय नै नेपालको राजनैतिक इतिहासमा यो एउटा नयाँ प्रयोग हुनेछ। अरुले पनि यसबाट पाठ सिक्ने छन्। नयाँ पुस्तालाई राजनितिमा स्थान दिन यो कोशेढुंगा साबित हुनेछ। मलाई के पनि विश्वास छ भने वैकल्पिक राजनैतिक शक्ति खोजिरहेका काठमाण्डौबासीहरुले तपाईहरुलाई अवश्य विजय गराउने छन्।

    डा. शैलेन्द्र सिग्देल

  • नयाँ वर्ष प्रण

    रित्तो बोतल र खाली शिशाहरूले सामुहिक आत्महत्या गरे। ऊ परऽऽको एक कुनामा हेर त? एक थुप्रो लासहरू जस्तै डंगुर लडिराछ।   चीत्कार तिरस्कार अपहेलना बित...

    इन्द्र थेगिम

लोकप्रिय

सिफारिस

सूचनापाटी

छापाबाट