भारतले आगामी आर्थिक बर्ष नेपाललाई दिने सहयोग ६.७ अर्ब नेपाली रुपैयाँ पुर्याएको छ । भारतीय अर्थमन्त्री अरुण जेट्लेले आज संसदमा प्रस्तुत गरेको भारतीय आर्थिक बर्ष २०१५/१६ को केन्द्रीय बजेटले नेपाललाई दिने सहायतामा गत बर्षको संशोधित बजेटको तुलनामा ४० प्रतिशतले बृद्धिृ गरेको हो । गत बर्ष भारतले नेपाललाई ४.८ अर्ब नेपाली रुपैयाँ बराबरको आर्थिक सहयोग प्रदान गरेको थियो।
भारतीय आर्थिक सहयोग प्राप्त गर्ने मुलुकरुको सुचीमा भुटानको बर्षौं देखिको पहिलो स्थान कायमै रह्यो । गत बर्ष ७८ अर्ब नेपाली रुपैयाँ भारतीय सहयोग पाएको भुटानले आगामी आर्थिक बर्षमा ९८.६ अर्ब नेपाली रुपैयाँ बराबरको आर्थिक सहयोग प्राप्त गर्ने छ । भुटानले प्राप्त गर्ने भारतीय सहयोग भारतले आगामी आर्थिक बर्षमा बैदेशिक सहयोगको लागि छुट्याएको कुल राशिको ६८ प्रतिशत छ । नियमित विकास सहयोगको अतीरिक्त भुटानले प्राप्त गर्ने भारतीय सहयोगको ठूलो अंश लगानी तथा अनुदानले लिने गरेको छ ।
सामरिक दृष्टिले भारतका लागि महत्वपूर्ण अफगानिस्तान भारतीय सहयोग प्राप्त गर्ने मुलुकरुको सूचीमा दोस्रो स्थानमा रह्यो। अफगानिस्तानले आगामी भारतीय आर्थिक बर्ष २०१५/१६ मा १०.८ अर्ब नेपाली रुपैयाँ बराबरको सहयोग प्राप्त गर्ने छ ।
हालैको सत्ता परिवर्तनपछि सुध्रिएको सम्बन्धससँगै अर्को छिमेकी श्रीलंकाले आगामी बर्ष ८ अर्ब नेपाली रुपैयाँ भारतीय सहयोग पाउने छ । सामरिक दृष्टिले महत्वपूर्ण अर्को मुलुक म्यानमार आगामी बर्ष ४.३ अर्ब नेपाली रुपैयाँ बराबरको सहयोग प्राप्त गर्ने छ। यो राशी गत बर्षको २.१ अर्ब नेपाली रुपैयाँ दाँजोमा दोब्बर भन्दा बढी हो ।
यसैगरी भारतीय सहयोग प्राप्त गर्ने अर्को दक्षिण एसियाली मुलुक बंगलादेशले आगामी बर्ष ४ अर्ब नेपाली रुपैयाँ बराबरको सहयोग प्राप्त गर्ने छ।
आठदेखि ८.५ प्रतिशत आर्थिक बद्धिदरको लक्ष्य सहित आज प्रस्तुत बजेटले बड्दो बत्तीय घाटालाई क्रमश: कम गर्दै जाने उद्देश्य सहित आगामी आर्थिक बर्ष २०१५/१६ मा कुल गार्हास्थ्य उत्पादनको ३.९ प्रतिशतमा सीमित गर्ने घोषणा गरेको छ ।