नेपाल विद्युत प्राधिकरणले तिहारका बेला बिजुली खपतमा किफायत गर्न ग्राहकलाई अनुरोध गरेको छ। झिलिमिलीको पर्व तिहारमा सबैले अत्यधिक विद्युतीय उपकरण चलाएमा बिजुली टि्रप हुने भन्दै उसले सचेत गराएको छ।
प्राधिकरणद्वारा सोमवार गोरखापत्रमा प्रकाशित सूचनामा उसै विद्युत अभाव भइरहेकोमा सिन्धुपाल्चोकको जुरेमा गएको पहिरोले ६८ मेगावट आपूर्ती कम भएको स्पष्टिकरण दिएको छ।
पसल, मल, घर, तथा सडकमा उत्सव बत्ती लगायत उच्च विद्युत खपत हुने फ्रिज, आइरन, राइसकुकर, एसी लगायत प्रयोग नगर्न भनेको छ।
'कात्तिक ५ देखि कात्तिक ८ सम्म साँझ ५ बजेदेखि १० बजेसम्म विद्युत उपकरण प्रयोग नगर्न' भनि सूचना प्रकाशित गरिएको छ।
ग्राहकले प्राधिकरणले तोकेको समयमा विद्युत प्रयोगमा किफायत नगरे माग र आपूर्तीको सन्तुलन बिग्रन गइ बत्ती जाने चिन्ता उसको छ।
