भाटभटेनी सुपरमार्केट एन्ड डिपार्टमेन्टल स्टोरको आठौं शाखा काठमाडौंको बालाजुमा खुलेको छ। शनिबारदेखि विधिवत शुभारम्भ भई उक्त शाखा सञ्चालनमा आएको भाटभटेनी सुपरस्टोरले जनाएको छ। यसअघि भाटभटेनी सुपरमार्केटका काठमाडौंमा ६ तथा पोखरामा १ गरी ७ वटा शाखा संचालनमा थिए।
बालाजु शाखाको शुभारम्भका अवसरमा भाटभटेनी सुपरमार्केटले आफ्ना ग्राहकहरुलाई सबै प्रकारका सामानको विक्रीमा १० प्रतिशत छुट दिइने जानकारी दिएको छ। भाटभटेनी सुपरमार्केटका अन्य शाखाहरुमाझैं यस शाखामा पनि दैनिक आवश्यकताका सबै सामग्रीका साथै लुगाकपडा, श्रृंगार सामग्री, इलेक्ट्रोनिक्सका सामान, फर्निचर, खाद्यवस्तुलगायत सम्पूर्ण सामान उपलव्ध हुने कम्पनीले जनाएको छ।
उक्तशाखाको संचालनबाट यस क्षेत्रका स्थानीयलाई आफ्नै टोल छिमेकमा सुपथ मूल्यमा सबै प्रकारका गुणस्तरीय सामान उपलव्ध हुने विश्वास भाटभटेनी सुपरमार्केटका अध्यक्ष तथा प्रवन्ध निर्देशक मीनबहादुर गुरुंगले व्यक्त गरेका छन्।