सरकारले अघिल्लो महिना पारित गरेको विदेशी सहायता नीतिमा दाताहरुको समूहले बिरोध जनाएको छ। वैदेशीक सहायतामा संचालित कार्यक्रमको जवाफदेहीता दातामा पनि हुनुपर्ने भन्ने बुँदा किटेरै दाताहरुले आपत्ति प्रकट गरेका हुन्।
नेपालका प्रमुख दाताहरुको समूहले एघार दिनअघि लेखेको पत्रमा मस्यौदा छलफलका क्रममा नभएका बुँदाहरु पनि थपिएको भन्दै आश्चर्य व्यक्त गरिएको छ।
'सरकारको यस्तो रवैयाले राष्ट्रिय अन्तर्राष्ट्रिय संस्थाको स्रोत परिचालन क्षमतालाई अंकुश लगाउँछ,' पत्रमा भनिएको छ।